Tómas Guðbjörn Þorgeirsson

Bilbao here we come...

Jæja nú erum við Maggi að fara á námskeið hjá Ulma á Spáni...nánar tiltekið Bilbao nánar tiltekið Onati...sem er eitthvað skítapleis þarna suðurfrá ;o) Hef ekki hugmynd út í hvað ég er að fara en vona að þetta verði skemmtilegt.

Á eftir að sakna þess að rífast ekki í konunni eins og usual og stríða stráknum aðeins, hver veit kannski sakna þau mín líka hmm nei nei þau hafa það örugglega gott, OF gott...bíddu hvar er farseðillinn heim, finn hann ekki, hvað er hann að gera í ruslinu....SÆÆDDDÍÍÍSS!!!!!! hehehe

Sjáumst...

Íslenska kvennalandsliðið í knattspyrnu...

Langaði að óska þeim til hamingju með frábæran sigur á mjög svo sterku frönsku liði...

Mun skemmtilegra að horfa á kvenna landsliðið en karla landsliðið....eljusemi og barátta einkenndi liðið og greinilegt að þær hafa áhuga og vilja til að spila fyrir íslands hönd. Það kristallaðist í því þegar Margrét Lára skoraði þá kyssti hún búninginn (veit ekki hvort þetta var íslenski fáninn eða ksí merkið á búningnum) s.s. stolt af því að bera þennan búning...einnig þegar Þóra markmaður hljóp úr hinum enda vallarins til þess að fagna með liðinu, sýnir hversu áhugasamar þær eru og ætti að vera fordæmi fyrir karla landsliðið!

Áfram Ísland...frábær sigur.

Sumir eru alveg frábærir...

...Eins og þessi hérna www.tolliagustar.blog.is Alveg sérstaklega skemmtilegur penni og frumlegur.

Langaði að stela frá honum góðum brandara sem á einstaklega vel við Gumma og Bjarka bræður Sædísar....Nú hafa þeir báðir horfið af landi brott, í mislangan tíma að vísu en þessi húmor hérna á vel við ,Gummi endaði nefnilega í Svíþjóð en Bjarki í Noregi (reyndar í Danmörku núna, flökkukind). Gummi gæti haft að orði - ja hann Bjarki bróðir fór nú ekki "myway" og endaði því í "Norway"...

Veit að Bjarki kíkir annað slagið á þessa síðu hjá mér þannig að mér fannst þetta vel við hæfi

Annars man ég líka eftir þessu snilldar bol sem Bjarki var í í fyrra þegar við heimsóttum Svíaríki...Þá voru myndir af 6 fánum á bolnum (5 norskir og einn sænskur) svo átti maður að benda á EINA vitleysu...þvílíkur rýgur alltaf á milli þessara þjóða...í þessum bol gekk Bjarki sposkur um Gautaborg og var bara heppinn held ég að vera ekki laminn og við í leiðinni fyrir að vera í sjónmáli við hann...en við sluppum sem betur fer and lived to tell the story hehehe...Kveðjur frá Íslandi til the scandinavian relatives...

Fréttir...

Afi Tommi átti afmæli í gær og var móðir mín með mat fyrir þau og systur mínar, mér var ekki boðið...ekki nægur matur á boðstólnum sagði mamma, frekar fúll hehe nei nei...Hitti örugglega á þau á eftir, en í fýlukastinu í gær þá drakk ég afmælisgjöfina hans afa, ca 1líter af þessu fína viskí maður þannig að hann fær ekki neitt...

Sædís er búin að þræða allar parket-og flísabúðir á landinu núna í þessari viku, ætlum að reyna að gera gólfið klárt áður en við flytjum inn! Datt samt í hug, þar sem Sædís hefur fengið sýnishorn frá öllum þessum stöðum hvort við getum bara ekki haldið áfram að sanka að okkur sýnishornum þangað til við erum búin að ná í það efni sem við þurfum, ok gólfið verður svolítið misjafnt en so what, getum sparað fúlgu á þessu

Fékk að vita fyrir stuttu að ég á að fara (ásamt Magga H) til Bilbao á námskeið hjá Ulma. Ulma er fyrirtæki sem sérhæfir sig í pökkunarvélum. Verðum þarna í 10 daga, mjög spennandi...Hittir reyndar frekar illa á þar sem við fáum íbúðina afhenta núna um mánaðarmótin og ég akkurat úti...

jæja nóg í bili, þarf að fara að vinna...

svía grýla...

Já nú hef ég verið að hugsa aðeins um þennan leik...vorum við svona rosalega daprir í leiknum, vorum við að spila undir getu, ættum við að hafa staðið okkur betur? þetta eru spurningar sem maður hefur spurt sig undanfarið...Rétt áðan sagði ég að þessi leikur hefði verið til skammar fyrir okkur, en er það rétt? Horfum aðeins á þetta lið okkar. Liðið er byggt á miðlungs leikmönnum sem myndu ALDREI nokkurn tíma komast í þetta sænska lið, s.s. þeirra leikmenn eru mun betri en okkar. Ættum við þá að hafa farið með einhverjar væntingar í þennan leik, höfðum við eitthvað til að ýta undir þær væntingar? Svar: NEI!! Af hverju erum við alltaf með þessar óraunhæfu kröfur á landsliðið okkar...lið sem hefur aldrei komist áfram í úrslitakeppni HM eða EM, við höfum aldrei gert nokkurn skapaðan hlut sem hægt er að merkja sem árangur...jújú við höfum náð jafntefli við frakka og við unnum ítali (í æfingaleik ;o) by the way) vá frábært, hvað gerum við svo á móti "litlu" liðunum...skítum á okkur. Verðum að koma niður á jörðina og átta okkur á því að við erum "litla" liðið...

Er sanngjarnt að láta Eyjólf bera ábyrgð á þessu? Svar NEI? Eins og ég sagði áðan þá erum við bara með miðlungslið og til að vitna í Hemma Gunn sem sagði "ef þú fengir besta bakara í heimi til að baka dýrindis köku en létir hann fá handónýtt hráefni til að vinna með þá yrði kakan misheppnuð" Ég er alls ekki að segja það að Eyjólfur eigi að vera þjálfari, það er kapituli útaf fyrir sig...hvernig dettur mönnum í hug að ráða mann með nánast enga reynslu af þjálfun, það hljóta að vera frambærilegri þjálfarar en hann á lausu!

Svo eitt að lokum, ég vil fá Eið Smára úr liðinu, hann hefur engan áhuga á þessu, fékk spjald (viljandi) til að losna við þennan svía leik og til að eiga séns á að komast í liðið hjá Barcelona, nú eru nefnilega margir leikmenn hjá Barca að spila fyrir sína þjóð sem gefur honum Eið meiri séns auðvitað, útpælt hjá honum (mín skoðun)

Góðar stundir...Tom

Ásta Lovísa...

...Er látin, kom fram í fjölmiðlum núna áðan. Mikið rosalega vorkenni ég börnunum hennar...og svakalega hlýtur að hafa verið sárt fyrir Ástu að kveðja börnin sín, að þurfa að skilja þau eftir...ohh maður er alveg með kökkinn í hálsinum samt þekkti ég hana ekki neitt, en ef maður setur sig í þessi spor (sem er varla hægt) þá gerir maður sér grein fyrir hvað lífið er dýrmætt og maður verður, já verður, að nýta tímann með sínum nánustu því maður veit aldrei hvenær kallið kemur...

Innilegar samúðarkveðjur til fjölskyldu Ástu Lovísu, gangi ykkur vel á þessum erfiðu tímum.

Tommi

Síðustu dagar...

Hafa verið mjög góðir...

Mínir menn í ManUtd tóku ensku deildina þegar tveir leikir eru ennþá eftir. Lang skemmtilegasta liðið á þessu tímabili, markatalan sýnir það best...flest mörk skoruð og mjög fá mörk fengið á sig.

Fór í sumarbústaðarferð með félögum mínum núna á föstudaginn, mjög gaman. Allt of sjaldan sem við strákarnir gerum eitthvað sniðugt. Tilefnið var þrítugs afmælið hans Tedda...gamall maður ;o) Eldaði hann snilldar kjúklinga fajitas með allskonar grasi og var þessu skolað niður með bjór, væmnum breezer og bacardi blöndu, sem var mjög góð hehe. Fór heim þarna um nóttina...

Morguninn eftir fórum við Sædís og Tómas Pálmar í Vatnaveröldina í Keflavík...var það þvílíkt stuð. Strákurinn hefur svo gaman að þessu, nýtur þess alveg svakalega að busla þarna innan um aðra krakka. Fengum okkur smá rúnt suður í Garð, þar sem ég bjó í ca 4 ár sem krakki...sýndi stráknum helstu staðina, alla tvo hehehe, held að honum hafi þótt það gaman. Skrýtið að koma á stað þar sem maður upplifði mikinn sársauka, en samt gott að vita að það er að baki og að ég get boðið stráknum mínum betra líf.

Á sunnudeginum fórum við familien í smá hjólreiðatúr upp í Baugakór...our future home . Þegar heim var komið þreif ég bílinn hans afa og bónaði...sótti svo afa og mömmu upp á flugvöll í dag.

Þangað til næst...