Kominn heim JIBBÍ....

Jæja kominn heim frá Bilbao, rosalega ánægður með það!!  Ferðalagið byrjaði í raun á fimmtudag, fórum frá Onati um kvöldmatarleytið eftir mikla törn hjá Ulma...Komum á hótelið um 9 leytið, fengum okkur í gogginn og svo í háttinn...Daginn eftir vorum við sóttir kl 8:30 frá starfsmanni Dibal sem er annar birgi sem PMT er með og vorum við hjá þeim á námskeiði til um 13:00, þá áttum við hádegisfund með aðila frá enn öðru fyrirtækinu, Rochman.  Sátum við að snæðingi frá svona 13:30 til að að verða 15:00, mjög fínt allt saman.

Eftir þetta áttum við smá break...kíktum á nokkrar búðir og svoleiðis áður en við þurftum að vera mættir upp á flugvöll til að ná vél til London...Komum seint um kvöldið til London, fengum okkur einn öllara fyrir háttinn...flugum svo til Íslands um 11:00 og komnir heim fyrir 14:00 í dag...mjög fínt flug, allt gekk að óskum.

Sædís og Tómas Pálmar sóttu mig og komu mér á óvart með að fara heim í Baugakórinn fyrst, Sædís komin með lyklana, þar hafði hún komið fyrir borði og stólum í bakgarðinum og keypt bakkelsi osfrv...þvílíkt flott hjá henni og stráknum...svo skemmdi nú ekki fyrir veðrið, glampandi sól og blíða, held að Sædís hafi staðið fyrir því líka hehe  Doddi félagi minn og Harpa kærastan hans voru á sama augnabliki að skoða sín nýju híbýli (flytja inn á mánudag.) sem er beint fyrir framan íbúðarhúsið okkar, kíktu þau auðvitað í smá kaffi, fyrsta kaffið sem við höfum í nýja húsinu

Komum svo hingað í Fjarðarselið þar sem stráksi var orðinn svo spenntur fyrir öllu dótinum sem pabbi hans hafði keypt...Reif upp töskuna alveg af spenningi. Núna er tengdó að grilla fyrir okkur "slef" þannig að læt þetta duga for now...

Kv. Tommi